Makalah Ngalestarikeun Budaya Sunda Kuda Renggong

  MAKALAH

 Ngalestarikeun Budaya Sunda Kuda Renggong

 

KECAP PANGANTEUR

Assalamualaikum warahmatullahi wabarakatuh

Puji sareng syukur mangga urang sanggakeun ka hadirat Alloh SWT lantaran barkat rahmat-Na tiasa ngabereskeun ieu makalah  kanggo nuntaskeun pancen ti Ibu Guru.

Sholawat sareng salam mugi-mugi salamina kacurah limpahkeun ka jungjunan alam nyaeta Nabi Muhammad SAW, teu hilap ka kulawargina sareng ka sohabatna sareng mudah-mudahan dugi ka urang sadayana. Amin …

Rumaos seueur kakirangan dina ieu makalah, Abdi sareng rerencangan miharep kamandang atanapi kritik enggoning ngaronjatkeun  ieu makalah, Abdi sareng rerencangan oge nyuhunkeun di hapunten bilih aya kakirangan sareng kalepatan dina panulisan ieu makalah.

Wassalamualaikum warahmatullahi wabarakatuh

 

BAB 1

BUBUKA

A.    Kasang Tukang

Sairing kalawan kamajuan jaman, tradisi sareng kabudayaan wewengkon anu ti mimitina dicepeng teguh, di pulasara sarta dijaga di pulasara ku saban suku, kiwari atos ampir punah. umumna balarea rumaos gengsi sareng isin lamun ngabela keneh sarta ngagunakeun budaya lokal atawa budaya wewengkon.

Lolobana balarea milih kanggo mintonkeun sarta ngagunakeun kasenian sarta budaya modern batan budaya anu asalna ti daerahna sorangan,  anu saestuna malahan budaya wewengkon atawa budaya lokal anu luyu pisan kalawan kapribadian bangsa na. Maranehanana langkung milih sarta pindah ka budaya sejen anu tacan tangtos luyu kalawan kapribadian bangsa sumawona balarea langkung rumaos reueus ka budaya sejen batan budaya anu asalna ti daerahna sorangan.

Tina permasalahan eta,abdi sareng rerencangan bade ngabahas  dina amakalah ieu nyaeta “ Ngalestarikeun Budaya Sunda Kuda renggong".

B. Tujuan

Tujuan ngadamel makalah ieu nyaeta pikeun ngalaksanakeun tugas pelajaran bahasa sunda, salian ti eta pikeun nganyahokeun naoan ari kasenian kuda renggong.

BAB II

EUSI

Kuda Renggong

Kuda Renggong merupakeun salah sahiji seni pintonan rakyat nu asalna asli ti Sumedang.   Kata “renggong” dinaseni ieu mangrupa metatesis tina kata  ronggeng nyaeta kamonesan  cara lengkah kuda nu meunang ngalatih keur nari dina pirigan musik kendang.  Kuda ditumpakan ku budak sunat nu diarak.

Kasenian kuda renggong kapungkurmah disebat kuda igel, margi si kuda tiasa ngigel. asalna kasenian ieu ti Desa Cikurubuk, Kacamatan Buah Dua, Kabupaten Sumedang.

Di hareupeun rombongan Kuda Renggong aya saurang Pelatuk, nyaéta salah saurang pamaén Kuda Renggong, anu matak minangka panunjuk jalan sarta pupuhu koordinator iring-iringan.

A. Makna kuda renggong

·         makna spiritual nembongkeun sumanget nu muncul ngarupakeun rangkaian upacara inisiasi ti saurang lalalki nu disunat.  Kakuatan kuda renggong dipintonkeun ngabekas dina ati sanubari budak sunat tur pakean nu dipake budak sunat model pakean gatot kaca ngarupakeun perlambang figur pahlawan anu gagah.  

·         Makna interaksi Sareng  mahluk ciptaan pangeran nyaeta aya kesadaan para pelatih kuda renggong dina mintonkeun kamampuan  atraksi kuda,  teu saukur sawates binatang piaraan tapi oge diposisikeun salaku mahluk pangeran nu diogo, dipiara, tur dibere pakean jeung sajabana.

·         Makna teatrikal nyaeta atraksi  Kuda Renggong nu bisa silat, tari jeung sajabana ngarupakeun sajian langka kusabab teu kabeh kuda bisa kitu. 

·         Makna universal nyaeta tisaprak zaman manusia wanoh jeung sato kuda, geus jadi bagian tina hirup manusa di unggal bangsa nempatkeun kusa simbol kakuatan, kajantanan, kapahlawanan jeung nu ngabogaan wibawa gede.

B. Pamaen kuda renggong

pamaen kuda renggong umumna nyaeta lalaki – lalaki anu ngagabung dina hiji group anu diwangun ku hiji pamingpin, sareng hiji atawa dua jalmi pamaen silat. Para pamaen ieu teh jalmi-jalmi anu ngagaduhan katarampilan husus, sae dina ngibing atawa maenkeun waditra.

C. Tempat  kuda renggong

Kasenian kuda renggong ieu umumna dipidangkeun dina acara: khitanan, ngabageakeun tatamu agung, pelantikan sirah desa, perayaan dinten kamerdekaan. Biasana dipigawe dina siang dinten sarta nguriling lembur.

D. Parabot kuda renggong

(1). Hiji dugi opat kuda anu atos kalatih jeung kalengkapan anu kedah aya nyeta:

·         antawis (tempat atawa pakakas kanggo diuk penunggang kuda)

·         seser (pembalut sirah kuda),

·         sanggawedi (pijakan suku kanggo penunggang),

·         apis buntut (tali tahanan antawis anu dihubungkeun kalawan puhu buntut kuda),

·         eles (tali kamudi kuda),

·         kadali (beusi anu dipasang dina sungut kuda kanggo mengikatkeun tali kadali),

·         ebeg (hiasan antawis),sebrak (lapisan handap antawis supados tonggong kuda henteu luka/lecet),

·         andong (beubeur anu dibeungkeutkeun ka haturan beuteung kuda minangka penguat antawis supados henteu luduh ti tonggong kuda);

(2) seperangkat waditra nyaeta:

·         dua buah kendang ageung (kendang indung sareng kendang anak),

·         hiji terompet,dua ancak ketuk (bonang),hiji bajidor,dua buah gong (ageung sareng alit),

·         hiji set kecrek,genjring,sarta ngapung atawa dulang;

(3) baju pamaen kuda renggong nyaeta :

·         baju juru pengrawit (wiyaga).

baju juru pengrawit nyaeta baju saragam bulao leungeun paos sarta setrit bodas,calana paos,tutup sirah iket leher,jeung sandal.

·         baju pamaen silat (pengatik).

baju pamaen silat nyaeta calana pangsi boga warna hideung,tutup sirah iket leher,sarta beubeur lawon boga warna beureum

E. cara miara kuda renggong

Cenah miara kuda pikeun Kuda Renggong pohara diutamakeunnana. Sajaba dibéré baranghakan jukut, ongok ogé dibéré madu, susu, sarta endog. Surai-na ogé dipulasara sahadé-hadéna, diuntun maké pita sarta dipasangan perhiasan anu cerah kalawan warna-warni anu éndah.

BAB 3

PANUTUP

A.    Kacindekan

Ngalestarikeun kasenian sunda khususna kasenian jawabarat kujalan make atawa diajar kana kasenian sunda, contona dina hal make kana kasenian tradisional nyaeta nabeh lamun aya hajatan atanapi syukuran,Contona Nabeh kuda renggong . Hal eta anu ngajanteunken urang ngalestarikeun budaya sunda jawa barat.

B.    Saran

Kanggo urang salaku siswa wajib nganyahokeun kana kasenian sunda khususna kasenian kuda renggong. Dina hal ieu urang salaku siswa kedah ngamumule kasenian eta ku cara diajar kasenian kuda renggong.  Sareng kanggo alurang sanajan ngora keneh urang kudu ngajungjung luhur kana kasenian daerah urang, ameh hanteu lengit jeung teu kabawa ku jaman ayeuna. Seutikna alurang ngalestarikeun kucara apal jenis musik anu di pake dina kasenian eta. Jeung urang kudu tiasa ngajungjung budaya jeung kasenian mun bisamah nepi ka kancah nagara.

 

DAFTAR PUSTAKA

·         https://su.m.wikipedia.org/wiki/Kuda_r%C3%A9nggong

·         https://www.sumedang.online/2010/03/seni-kuda-renggong/amp/